Kjartan Henry og Arnór Smára.
„Það mætti halda að forseti Bandaríkjanna hefði verið að mæta á svæðið, það var svo mikið af fjölmiðlafólki," segir Kjartan Henry Finnbogason um skólaheimsóknina sem hann og Arnór Smárason fóru í.
Íslenska landsliðið er að taka þátt í vináttumóti í Kína og fóru Kjartan og Arnór og gáfu af sér til ungra fótboltaaðdáenda í landinu.
Íslenska landsliðið er að taka þátt í vináttumóti í Kína og fóru Kjartan og Arnór og gáfu af sér til ungra fótboltaaðdáenda í landinu.
„Það var rosalega gaman að koma þarna og greinilega mikið búið að leggja í þessa móttöku," segir Arnór en í sjónvarpinu hér að ofan má sjá frá heimsókninni og hlusta á viðtal við þá tvo.
Ísland býr sig undir úrslitaleik í mótinu en mótherjinn verður Síle á sunnudag. Leikurinn verður 7:35 að íslenskum tíma.
„Það er gaman að spila úrslitaleik í þessu móti. Við sáum Síle spila við Króatíu og þeir eru með hörkulið. Virkilega góðir fótboltamenn og voru vel spilandi og náðu vel saman. Það verður erfiður leikur en skemmtilegt verkefni," segir Arnór og Kjartan bætir við:
„Síle er í fjórða sæti á heimslistanum og er með frábæra leikmenn. Það eru skemmtilegir Suður-Ameríkutaktar í þeim og við verðum að vera vel vakandi."
Sjá einnig:
Myndir: Kjartan og Arnór gáfu af sér í Kína
Athugasemdir
