Bakvarðavandræði Man Utd halda áfram að aukast eftir að í ljós kom að Matteo Darmian verður frá næstu vikurnar.
Ítalinn lenti í samstuði við Wahbi Khazri þegar Man Utd tapaði 2-1 fyrir Sunderland á Leikvangi ljóssins í hádegisleiknum í enska boltanum.
Louis van Gaal, stjóri Man Utd staðfesti eftir leikinn að Darmian hafi farið úr axlarlið og sagði ljóst að hann yrði frá í einhverjar vikur.
Luke Shaw, Marcos Rojo, Ashley Young, Antonio Valencia, Phil Jones og Guillermo Varela eru allir á meiðslalistanum en þeir Donald Love og Cameron Borthwick-Jackson sáu um bakvarðastöðurnar í leiknum í dag eftir að Darmian fór af velli.
Darmian kom til Man Utd frá Torino síðasta sumar og hefur verið fastamaður í byrjunarliðinu á þessari leiktíð.
Athugasemdir