Ólafsvíkingar fara vel af stað í Lengjubikarnum en liðið vann eins marks sigur á Selfyssingum í fyrstu umferð riðils 2 í A-deild.

Eftir markalausan fyrri hálfleik kom Alfreð Már Hjaltalín Ólafsvíkingum yfir eftir rúmlega klukkutíma leik. Skömmu síðar tvöfaldaði Hrvoje Tokic forystuna.

Ragnar Þór Gunnarsson klóraði í bakkann fyrir gestina eftir að hafa komið inná sem varamaður en lokatölur 2-1 fyrir Víkingi Ólafsvík.

Fyrr í dag vann Fylkir 3-1 sigur á Breiðabliki í sama riðli en á morgun mætast 1.deildarlið KA og Fjarðabyggð í Boganum á Akureyri.