Komin er inn upptaka frá útvarpsþætti Fótbolta.net í dag en þar voru menn í hátíðarskapi enda sjö ár síðan þátturinn hóf göngu sína á X-inu FM 97,7. Upptakan er í spilaranum hér fyrir neðan.
Það var tvöfalt afmæli í þættinum en Magnús Már Einarsson, annar ritstjóra Fótbolta.net, fagnar 27 ára afmæli sínu í dag. Hann, Tómas Þór Þórðarson og Elvar Geir Magnússon voru í gasklefanum í dag.
Upptökur af öllum þáttum koma inn á Vísi
Jón Daði Böðvarsson, landsliðsmaður og nýr leikmaður Kaiserslautern, var á línunni beint frá Þýskalandi. Andri Júlíusson var á línunni frá Noregi þar sem fátt er um annað rætt en Eið Smára Guðjohnsen.
Tómas og Magnús völdu úrvalslið sitt í ensku úrvalsdeildinni á tímabilinu. Um óvenjulegt úrvalslið er að ræða því einungis mátti velja einn leikmann úr hverju liði í deildinni!
Athugasemdir
