,,Stórkostleg úrslit. Við erum nánast komnir í 8-liða úrslitin.
Pep Guardiola var ánægður eftir 4-0 sigur Manchester City á Basel í 16-liða úrslitum Meistaradeildar Evrópu á þessu þriðjudagskvöldi. „Stórkostleg úrslit. Við erum nánast komnir í 8-liða úrslitin," sagði knattspyrnustjórinn snjalli, sáttur eftir leikinn.
„Meistaradeildareinvígi eru alltaf 180 mínútur og við munum taka seinni leikinn alvarlega en þetta eru stórkostleg úrslit."
„Meistaradeildareinvígi eru alltaf 180 mínútur og við munum taka seinni leikinn alvarlega en þetta eru stórkostleg úrslit."
Ilkay Gundogan fór fyrir sínum mönnum í dag og skoraði tvisvar. Hann sýndi flotta takta í leiknum í kvöld.
„Ilkay Gundogan er sérstakur leikmaður. Við söknuðum hans á síaðsta tímabili þegar hann frá í sex mánuði vegna meiðsla."
„Við erum enn í febrúar. Við erum í frábærri stöðu í ensku úrvalsdeildinni og við erum næstum því komnir í 8-liða úrslit Meistaradeildarinnar, við erum komnir í einn úrslitaleik (í deildabikarnum) og á mánudag eigum við möguleika á því að komast í 8-liða úrslit FA-bikarsins. Við tökum leik fyrir leik."
Athugasemdir
