Shakhtar Donetsk hefur staðfest að Brasilíumaðurinn Fred sé á leið til Manchester í sumar, en Manchester United og Manchester City munu berjast um krafta hans.

Manchester City hefur lengi verið á eftir honum og er Pep Guardiola mikill aðdáandi leikmannsins.

Nágrannarnir í Manchester United ætla hins vegar ekki að gera City auðvelt fyrir í að landa leikmanninum.

„Fred mun fara í júní," sagði Sergei Palkin, framkvæmdastjóri félagsins, við Corriere dello Sport .

„Ef hann fer ekki til Manchester City, þá fer hann til Manchester United," sagði hann jafnframt.