„Mjög svekkjandi tap. Mér fannst við ofan á hérna langtímum saman, allavega fyrstu 60 - 65 mínúturnar þangað til þeir skoruðu. Þá vorum við aggressífir og stigum hátt upp á þá og gáfum þeim engan tíma á boltann og vorum að skpa okkur mikið af færum og mikið af hornspyrnum. Vorum með 18 - 20 hornspyrnur og fúlt að fá ekkert út úr þessu," sagði svekktur Helgi Sigurðsson þjálfari Fylkis eftir tap gegn Breiðablik í kvöld.
Lestu um leikinn: Breiðablik 2 - 0 Fylkir
„Auðvitað verður maður frústreraður í hita leiksins en það þýðir ekkert. Maður væri meira svekktur ef við værum ekki að skapa nein færi en við erum að fá mikið af færum í leikjum og nú er bara að nýta tímann vel til að slípa það eins en ég hef ekkert út á spilamennskuna að setja. Eins og ég segi, maður getur alltaf klúðrað færum en meðan við erum að komast í þau og erum svona aggresífir eins og við erum að þá hef ég ekki neinar áhyggjur af liðinu.
Við erum búnir að vera að spila í þessari níu leikja törn og þar af einungis þrjá heimaleiki, sex úti og við erum búnir að vinna alla heimaleikjana þannig að við erum í bara tiltölulega góðum málum.
Þeir fengu engann tíma á boltann og eins ég segi, við vorum bara betri úti á vellinum sem er kannski oft sem það gerist fyrir Blikana hérna á eigin heimavelli en við vorum bara mjög öflugir. Það eina sem vantaði í þennan leik var að við skoruðum markið á undan. Því miður gerðist það ekki og því fór sem fór."
Nánar er rætt við Helga Sigurðsson í sjónvarpinu hér að ofan.
Athugasemdir
