Einar Örn Jónsson, íþróttafréttamaður hjá RÚV, mun lýsa leik Tyrklands og Íslands í beinni útsendingu í kvöld. Leikurinn hefst klukkan 18:45 að íslenskum tíma.
Einar Örn er spenntur fyrir leiknum og hlakkar til að upplifa stemninguna á hinum glæsta Torku leikvangi í Konya.
Einar Örn er spenntur fyrir leiknum og hlakkar til að upplifa stemninguna á hinum glæsta Torku leikvangi í Konya.
„Þetta leggst bara ágætlega í mig. Strákarnir eru búnir að vera flottir í eiginlega öllum leikjunum. Þó það hafi verið jafntefli í síðustu leikjum þá er jafntefli nú samt eitt stig, við skulum ekki gleyma því," sagði Einar Örn við Fótbolta.net í dag.
„Þetta er rosalegur völlur, 40 og eitthvað þúsund manns og compact alveg ofan í völlinn. Þetta verður hrikalegur hávaði. Fyrir suma og marga í liðinu okkar er bara betra að spila á erfiðum útivelli, ef menn eru rétt stilltir getur erfiður útivöllur bara hjálpað þeim."
Einar telur að strákarnir séu vel gíraðir í leikinn þó að það sé í raun ekki að miklu að keppa, en viðurkennir að erfitt sé að lesa þá.
„Þeir eru alltaf vel gíraðir, en svo fara þeir alltaf eins og eðlilegt er í pínu stellingar í öllum viðtölum, það koma frasarnir og hlutirnir sem þeir vita að fólk vill heyra, þannig það er erfitt að lesa þá nákvæmlega án þess að vera inni í klefa eða á fundunum með þeim. En manni finnst eins og þeir séu klárir í þetta," sagði Einar.
Aðspurður hvað honum finnst um borgina Konya, þar sem leikurinn er spilaður, var stutt í svör hjá Einari:
„Ég færi ekki hingað í frí."
Athugasemdir