Tyrkland og Ísland mætast á hinum glæsilega Torku Arena í Konya klukkan 18:45 að íslenskum tíma, en um er að ræða leik í lokaumferð undankeppni EM 2016 í Frakklandi.
Leikurinn er gríðarlega mikilvægur fyrir tyrkneska landsliðið, sem á enn fína möguleika á því að fara í umspil um sæti í lokakeppninni. Á meðan er Ísland búið að tryggja sér farseðilinn til Frakklands.
Einungis örfáir dagar eru síðan einn skelfilegasti atburður seinni tíma í Tyrklandi átti sér stað, en framin var hryðjuverkaárás í höfuðborginni Ankara sem kostaði 100 manns lífið. Var í kjölfarið lýst yfir þriggja daga þjóðarsorg og í borginni Konya er víða flaggað í hálfa stöng.
Leikurinn er gríðarlega mikilvægur fyrir tyrkneska landsliðið, sem á enn fína möguleika á því að fara í umspil um sæti í lokakeppninni. Á meðan er Ísland búið að tryggja sér farseðilinn til Frakklands.
Einungis örfáir dagar eru síðan einn skelfilegasti atburður seinni tíma í Tyrklandi átti sér stað, en framin var hryðjuverkaárás í höfuðborginni Ankara sem kostaði 100 manns lífið. Var í kjölfarið lýst yfir þriggja daga þjóðarsorg og í borginni Konya er víða flaggað í hálfa stöng.
Á leikvangnum sem spilað verður á er búið að setja tyrkneska fána og annars konar mósaík í nánast öll sætin að frádregnum örfáum hólfum og má væntanlega búast við rafmagnaðri stemningu í kvöld.
Torku Arena, heimavöllur tyrkneska úrvalsdeildarfélagsins Konyaspor þar sem leikurinn fer fram, tekur rúmlega 42.000 manns í sæti og er hið glæsilegasta mannvirki. Hann var vígður árið 2014.
Í myndbandinu hér að ofan má sjá hvernig tómur leikvangurinn lítur út, en til að setja hlutina í samhengi eru öll sætin raunverulega græn.
Athugasemdir