Jóhann Berg Guðmundsson, kantmaður íslenska landsliðsins, var svekktur eftir að liðið tapaði 1-0 gegn Tyrklandi í lokaumferð undankeppni EM 2016 í kvöld.
Strákarnir vildu meina að Tyrkland hefði aldrei átt að fá aukaspyrnuna sem leiddi til sigurmarksins frá Selcuk Inan undir lok leiks.
Strákarnir vildu meina að Tyrkland hefði aldrei átt að fá aukaspyrnuna sem leiddi til sigurmarksins frá Selcuk Inan undir lok leiks.
Lestu um leikinn: Tyrkland 1 - 0 Ísland
„Þetta var mjög svekkjandi, sérstaklega þar sem ég held að það sjá það allir að þetta var ekki aukaspyrna sem Kári fékk á sig. En svona er þetta fótboltinn," sagði Jóhann Berg við Fótbolta.net eftir leikinn.
„Við náðum ekki að búa til eins mörg færi og við vildum í dag en að sama skapi vorum við með nokkuð gott "control", þeir voru ekki að búa til hættuleg færi og svo fáum við þessa aukaspyrnu í andlitið og hann klárar þetta mjög vel. En þetta var auðvitað aldrei aukaspyrna, það er auðvitað dapurt hjá dómaranum í dag."
Þrátt fyrir að Ísland hafi einungis fengið tvö stig úr síðustu þremur leikjum sínum í keppninni hefur Jóhann Berg litlar áhyggjur.
„Það skiptir svosum engu máli, við erum komnir á EM og við náðum okkar markmiði þó við hefðum viljað vinna þennan riðil. Ég held að það sé ekki hægt að kvarta yfir því að Ísland sé komið á EM. Auðvitað er sjálfstraustið í botni og nú förum við bara að hlakka til Frakklands. Það verður snilld að fara þangað og taka þátt í þessu stórmóti, það verður auðvitað bara geðveikt," sagði Jóhann Berg.
Athugasemdir