„Við viljum klára þetta með sigri. Það verður gaman að fara inn í þennan leik svona pressulausir. Það hefði verið ansi erfitt að fara inn í þennan leik og þurft að ná í einhver stig," segir Jóhann Berg Guðmundsson, landsliðsmaður Íslands.
Ísland mætir Tyrklandi í Konya í kvöld 18:45 að íslenskum tíma.
Ísland mætir Tyrklandi í Konya í kvöld 18:45 að íslenskum tíma.
„Það verður fullur völlur og brjálaðir Tyrkir. Við viljum vinna þennan riðil. Það yrði mjög flott að klára þessa keppni með því að taka þrjá punkta."
Um er að ræða lokaleik Íslands í undankeppni EM en síðasta laugardag var gert 2-2 jafntefli við Letta á Laugardalsvelli.
„Auðvitað var leiðinlegt að vinna ekki þann leik. Seinni hálfleikurinn var alls ekki góður hjá okkur en það er stutt á milli leikja og þýðir ekki að hugsa um þann leik," segir Jóhann en viðtalið má sjá í heild í sjónvarpinu hér að ofan.
Athugasemdir