Sam Allardyce, nýráðinn stjóri Sunderland, segir að það sé fátt skemmtilegra en að ná góðum úrslitum gegn Arsene Wenger stjóra Arsenal.

„Auðvitað hefur Arsenal stundum unnið en við gerðum jafntefli eða unnum þá oftar en búist var við og Wenger gat ekki höndlað það," segir Stóri Sam í ævisögu sinni sem er væntanleg.

„Hann vildi ekki taka í höndina á mér einu sinni eftir leik á Highbury því að við náðum jafntefli. Ég sá hann taka bindið af sér og henda því í jörðina í reiðiskasti."