Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 13. október 2015 11:23
Magnús Már Einarsson
Þjálfari U21 árs liðs Skota veit ekkert um uppgang Íslands
Ricky Sbragia var stjóri Sunderland hluta af tímabilinu 2008-2009.
Ricky Sbragia var stjóri Sunderland hluta af tímabilinu 2008-2009.
Mynd: Getty Images
Árangur íslenska landsliðsins hefur ekki farið framhjá mörgum fótboltaáhugamönnum í Evrópu eftir að farseðillinn á EM var í höfn.

U21 árs landsliðið er einnig í flottum málum í undankeppni EM með tíu stig eftir fjóra leiki. U21 árs liðið heimsækir Skota í dag en Ricky Sbragia, þjálfari Skotana, hefur nákvæmlega ekkert kynnt sér uppganginn í íslenskum fótbolta.

„Ég get ekki sagt til um það því að ég hef ekki komið þangað áður og ég hef ekki ennþá séð þá spila. Þeir hafa á einhvern hátt góða formúlu," sagði Sbragia aðspurður út í það af hverju Íslendingum gengur svona vel.

„Ég reikna með því að margir leikmenn frá þeim (í A-landsliði Íslands) spili í Evrópu en ég gæti haft rangt fyrir mér. Ég held að það hjálpi liðinu þeirra líka en tíminn mun leiða það í ljós."

„Ég get ekki svarað spurningunni um hvað þeir eru að gera rétt en þeir virðast koma með lið sem hefur sigurhugarfar. Þeir eru að standa sig mjög vel."

Athugasemdir
banner
banner
banner
banner