Heimir ræðir við kínverskt fjölmiðlafólk.
Óskar Örn Guðbrandsson, fjölmiðlafulltrúi KSÍ, fékk sér sæti með þjálfarateymi íslenska karlalandsliðsins en liðið er statt í Kína þar sem leikið verður til úrslita gegn Síle í vináttumóti í fyrramálið.
Óskar spjallaði við Heimi Hallgrímsson og aðstoðarmenn hans, Helga Kolviðsson og Guðmund Hreiðarsson. Rætt var um þá framþróun sem hefur orðið í íslenskum fótbolta síðustu ár.
Óskar spjallaði við Heimi Hallgrímsson og aðstoðarmenn hans, Helga Kolviðsson og Guðmund Hreiðarsson. Rætt var um þá framþróun sem hefur orðið í íslenskum fótbolta síðustu ár.
„Við höfum verið að ná góðum árangri bæði með karla- og kvennalandsliðið. Það sem mér finnst ég vera að sjá karlamegin er að það eru fleiri leikmenn sem koma til greina. Hópurinn er að þéttast. Mér finnst það áberandi í þessari ferð hversu margir leikmenn eru spennandi og þurfa ekki að bæta sig mikið til að vera virkilega að banka á dyrnar á aðalhópnum," segir Heimir en fjórir nýliðar léku í sigrinum gegn Kína í undanúrslitum.
„Við erum komnir á góðan stað með þetta landslið, höfum lengi verið í kringum 20. sætið á styrkleikalista FIFA. Ef við ætlum að halda áfram að bæta okkur er það leikmanna að gera það."
Í sjónvarpinu hér að ofan má sjá spjallið en þar var meðal annars talað um hversu auðvelt sé fyrir ungt fólk í dag að leita upplýsinga um réttar leiðir í átt að árangri.
Athugasemdir
