Klukkan 7:35 í fyrramálið verður flautað til leiks Íslands og Síle, úrslitaleiks vináttumótsins í Kína. Leikurinn er sýndur beint á Stöð 2 Sport og verður einnig í beinni textalýsingu hér á Fótbolta.net.
Jón Guðni Fjóluson, varnarmaður Norrköping í Svíþjóð og íslenska liðsins, segir að undirbúningur fyrir leikinn hafi gengið vel.
„Þetta hefur verið mjög fínt. Það er ekki yfir neinu að kvarta hérna. Það er allt í toppstandi. Svona snemma á tímabilinu tekur endurheimtin meiri tíma, maður hefur verið að ná öllur úr sér eftir leikinn (undanúrslitin)," segir Jón Daði.
„Það er mjög gott að fá að spila á móti svona þjóð sem er númer fjögur á heimslistanum. Þeir eru mjög teknískir og vel spilandi. Við erum mjög spenntir."
Viðtalið, sem tekið var af KSÍ, má sjá í heild í sjónvarpinu hér að ofan.
Athugasemdir