Bournemouth 2 - 1 Arsenal
0-1 Hector Bellerin ('52 )
1-1 Callum Wilson ('70 )
2-1 Jordan Ibe ('74 )
0-1 Hector Bellerin ('52 )
1-1 Callum Wilson ('70 )
2-1 Jordan Ibe ('74 )
Bournemouth gerði sér lítið fyrir og skellti Arsenal í ensku úrvalsdeildinni í dag.
Alexis Sanchez var ekki með Arsenal þar sem framtíð hans er í óvissu. Hann er sagður á leið til Manchester United. Lið Arsenal var vængbrotið, það vantaði líka Mesut Özil.
Fyrri hálfleikurinn var ekki góður og endaði hann markalaus. Í upphafi seinni hálfleiksins kom Arsenal yfir með marki Hector Bellerin eftir góðan undirbúning frá Alex Iwobi.
Arsenal leiddi fram á 70. mínútu en þá breyttist leikurinn skyndilega. Callum Wilson jafnaði metin og stuttu síðar skoraði Jordon Ibe sigurmark Bournemouth.
Lokatölur urðu 2-1 og risastór sigur fyrir Bournemouth staðreynd. Bournemouth er í 13. sæti deildarinnar með 24 stig á meðan Arsenal er í sjötta sætinu með 39 stig og færist fjær Meistaradeildarsæti. Stuðningsmenn liðsins eru allt annað en sáttir þessa stundina!
— Piers Morgan (@piersmorgan) January 14, 2018
Athugasemdir