Liverpool varð þar með fyrsta liðið til að leggja Man City að velli í ensku úrvalsdeildinni í vetur og Klopp er sannfærður um að þetta muni reynast eina tap City á þessari leiktíð.

„Maður getur horft á þetta sem knattspyrnustjóri eða sem fótboltaáhugamaður og ég ætla að velja seinni kostinn. Vá, þvílíkur leikur. Tvö lið sem gáfu allt í þetta. Þetta var sögulegur leikur sem verður talað um næstu 20 árin því ég efast um að City tapi fleiri leikjum á þessu tímabili," segir Klopp

„Fólk út um allan heim var að horfa á leikinn og það horfir til að sjá svona leiki."

„Þegar þú blandar saman svona miklum gæðum við alla þessa ákefð þá færðu svona leik. Ég naut þess að horfa á þetta. Þið munuð finna einhverja sem vilja tala um varnarleik, að halda hreinu og svo framvegis en mér gæti ekki verið meira sama," sagði Klopp.