Hann mun því starfa undir Man Utd goðsögninni Gary Neville sem stýrir Valencia út þetta tímabil hið minnsta.

Ayestaran þekkir til hjá Valencia því hann var aðstoðarmaður Rafa Benitez þegar Benitez var stjóri Valencia frá 2001-2004. Ayestaran fylgdi svo Benitez til Liverpool og starfaði við hlið hans á Anfield til ársins 2007.

„Pako Ayestaran mun bætast í þjálfaraliðið frá og með mánudeginum. Ég hef verið að hugsa um þetta í nokkrar vikur og við höfum spjallað saman síðustu daga. Hann verður mættur á æfingu á mánudaginn," sagði Neville við blaðamenn eftir langþráðan sigur á Espanyol í gærkvöldi.

Ayestaran er spænskur en hann hefur undanfarin ár reynt fyrir sér sem aðalþjálfari og stýrði síðast liði Santos Laguna í Mexíkó.