Undirbúningstímabilið hér á landi er komið á fullt og um helgina byrjaði Lengjubikarinn að rúlla.

Í dag fara sjö leikir fram í karlaflokki. Þrír þeirra verða leiknir í Egilshöll þar sem Valsmenn mæta Huginn frá Seyðisfirði, KR-ingar taka á móti Haukum og klukkan 20:15 eigast Fram og Stjarnan við.

Í Boganum á Akureyri verður boðið upp á tvíhöfða þar sem Akureyrarliðin Þór og KA etja kappi við austanmenn.