Lopez í eldlínunni með Marseille.
Maxime Lopez, 19 ára leikmaður Marseille, segist hafa hafnað tilboði um að ganga í raðir Liverpool. Hann segir að félagið hafi talað um að hann gæti orðið arftaki Philippe Coutinho.
Lopez kemur úr unglingastarfi Marseille og skrifaði undir fjögurra ára samning við franska félagið í febrúar.
Lopez kemur úr unglingastarfi Marseille og skrifaði undir fjögurra ára samning við franska félagið í febrúar.
Í viðtali við L'Equipe segir Lopez að Liverpool hafi reynt að fá sig tímabilið 2014/15 og hafi í raun lagt mikið kapp á það.
„Þeir sögðu við mig að eftir fimm ár myndi ég spila í stöðu Coutinho. Þeir virkuðu jákvætt á mig og ég ræddi meðal annars við Steven Gerrard eftir leik sem ég horfði á," segir Lopez.
„Ég vildi fara en ég vildi líka vera áfram hjá Marseille. Það er mjög erfitt að vera þetta ungur og þurfa að taka svona ákvörðun. Maður þarf að vera andlega búinn undir það að taka svona skref."
Lopez hefur byrjað 22 leiki í öllum keppnum fyrir Marseille á þessu tímabili.
Athugasemdir
