Hafsteinn Briem skoraði tvö mörk í kvöld í 4-2 sigri Hauka á KA á Ásvöllum. Haukaliðið var einu marki undir í hálfleik en sýndu aðra hlið á sér í seinni hálfleik og uppskáru fjögur mörk og öll þrjú stigin.
,,Það var aðallega hugarfarið sem breyttist í seinni hálfleik. Við tókum okkur saman í andlitinu í seinni hálfleik og vorum staðráðnir í að bæta upp fyrir skelfilegan fyrri hálfleik," sagði Hafsteinn sem náði sér ekki á strik í fyrri hálfleiknum eins og aðrir liðsfélagar hans.
,,Það var andleysi og allt sem gat verið að í fyrri hálfleik."
Haukarnir skoruðu síðan fjögur mörk í seinni hálfleik. Haukar voru fyrir leikinn búnir að skora sjö mörk.
,,Stíflan brast allt í einu og það var kominn tím til. Við erum með flott sóknarlið sem á að geta skorað fullt af mörkum," sagði Hafsteinn Briem.
Viðtalið við Hafstein er hægt að sjá í heild sinni í sjónvarpinu hér að ofan.
