Hinn 17 ára gamli Albert Guðmundsson fór á kostum þegar U19 ára lið Heerenveen sigraði NEC 3-1 á útivelli í gær.
Albert skoraði tvö fyrstu mörk liðsins og lagði upp það þriðja en samkvæmt vef Heerenveen voru öll mörkin einstaklega glæsileg.
Þá segir jafnframt að Albert hafi verið „yfirburðamaður á vellinum“ og að andstæðingarnir hafi enga leið fundið til þess að stöðva hann.
Albert er á öðru tímabili sínu hjá Heerenveen en hann lék áður með yngri flokkum KR. Hann er einnig leikmaður U19 ára liðs Íslands.
Athugasemdir