Louis van Gaal, stjóri Manchester United, var ánægður með fyrsta sigur liðsins undir sinni stjórn í ensku úrvalsdeildinni í dag.
United vann afar sannfærandi 4-0 heimasigur gegn Queens Park Rangers, en þrátt fyrir stórsigurinn segir Hollendingurinn að enn megi margt bæta.
United vann afar sannfærandi 4-0 heimasigur gegn Queens Park Rangers, en þrátt fyrir stórsigurinn segir Hollendingurinn að enn megi margt bæta.
,,Þegar þú vinnur 4-0 getur þú verið ánægður, en maður sér líka alltaf hluti sem má bæta," sagði Van Gaal.
,,Ég er mjög ánægður með úrslitin og spilamennskuna. Við stýrðum leiknum og skoruðum mörk og héldum hreinu."
,,Mér fannst við tapa boltanum full oft áður. Við vorum beittari í dag og ég er ánægður með það. Við sköpuðum mörg færi, þó við höfum ekki nýtt þau nægilega vel."
,,Við verðum alltaf að leikgreina hvað við höfum gert. Þetta voru frábær úrslit en við getum gert mun betur. Þetta er góð byrjun."
Athugasemdir