,,Möguleikinn er fyrir hendi. Við sýndum með hörkuleik úti í Danmörku að ef við höldum sama aga og sama skipulagi þá er allt fyrir hendi," segir Sverrir Ingi Ingason fyrirliði U21 árs landsliðsins um leikinn gegn Dönum klukkan 16:15 í dag.
Fyrri leikurinn endaði með markalausu jafntefli á föstudag en íslenska liðið spilaði gífurlega þéttan varnarleik þar.
Fyrri leikurinn endaði með markalausu jafntefli á föstudag en íslenska liðið spilaði gífurlega þéttan varnarleik þar.
,,Oft er umdeilt hvernig þú liggur varnarlega. Okkar styrkleikar liggja í því að við erum sterkir varnarlega. Þeir eru með mjög gott sóknarlið og við bárum virðingu fyrir því að þeir skoruðu flest mörk af öllum í undankeppninni."
,,Við héldum þeim frá markinu okkar í 90 mínútur og það gefur okkur aukið sjálfstraust en við þurfum að gera meira sóknarlega ef við ætlum að vinna þá," sagði Sverrir Ingi sem býst við öðruvísi leik í dag.
,,Við þurfum að vera duglegri að halda í boltann. Við erum á heimavelli og þá fær maður ósjálfrátt meira sjálfstraust og þorir að senda sendingar sem þú þorir ekki á útivelli. Með stuðningi áhorfenda getum við náð að mynda pressu á þá frekar en þeir á okkur."
Hér að ofan má sjá ofan
Athugasemdir
