Jess Thorup.
Jess Thorup, U21 landsliðsþjálfari Danmerkur, vonar að sjálfsögðu að sínir menn geti komist alla leið í lokakeppni EM 2015 með því að leggja Ísland að velli í umspilinu á Laugardalsvelli í kvöld.
Fyrri umspilsleik liðanna lauk með markalausu jafntefli, en nú eru Danir mættir til Íslands. Býst Thorup við erfiðum leik.
Fyrri umspilsleik liðanna lauk með markalausu jafntefli, en nú eru Danir mættir til Íslands. Býst Thorup við erfiðum leik.
,,Ég sagði fyrir fyrri leikinn að þetta yrðu tveir mjög erfiðir leikir. Fyrri leikurinn í Danmörku reyndist okkur mjög erfiður, Ísland varðist mjög vel líkt og við bjuggumst við. Nú spilum við á Íslandi og ég býst ekki við auðveldari leik," sagði Thorup við Fótbolta.net.
,,Þeir fóru ekkert í taugarnar á mér. Ég hef séð marga leiki með þeim og vissi að þeir væru góðir varnarlega. Auðvitað vildum við skora, en í svona tvíhöfðum er mjög mikilvægt að skora á útivelli og okkur tókst að koma í veg fyrir að Ísland gerði það. Núna getum við skorað mikilvægt útivallarmark."
,,Þegar lið er í umspili, eins og Ísland, þá er alltaf svekkjandi að ná ekki að taka síðasta skrefið og komast í úrslitakeppnina. Íslendingar yrðu svekktir líka. Við vissum það að þetta yrði erfitt í umspili og við sjáum hvað setur eftir leik, megi besta liðið vinna."
Viðtalið má sjá hér að ofan.
Athugasemdir
