Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
banner
   lau 14. október 2017 18:32
Elvar Geir Magnússon
Óli Kristjáns: Þörf á því að fá nýtt blóð hjá FH
Ólafur Kristjánsson.
Ólafur Kristjánsson.
Mynd: Fótbolti.net - Hafliði Breiðfjörð
„Ég er fullur tilhlökkunar," segir Ólafur Kristjánsson, nýráðinn þjálfari FH. Ólafur gerði þriggja ára samning við FH-inga í dag.

Ólafur hefur starfað undanfarin ár í Danmörku, fyrst hjá Nordsjælland og svo Randers.

„Ég fór út fyrir þremur og hálfu ári síðan. Það voru möguleikar og var skemmtilegt. Það voru möguleikar á því að vera áfram úti en ég sé FH sem félag sem hefur upp á mjög margt að bjóða. Með þeim uppgangi sem er í íslenskri knattspyrnu rennur mér blóðið til skyldunnar að koma og vera með í því að móta og skapa þetta landslag sem við höfum."

FH á sér þann draum að komast í riðlakeppni í Evrópu og Ólafur deilir þeim draumi.

„Vissulega geri ég það. Ég átti litla möguleika á að ná því í Nordsjælland og Randers. Ég kann vel við fólk með metnað, sem hugsar stórt og þorir að koma út með það. Að gera atlögu að því að vera fyrst íslenskra liða til að komast í riðlakeppni í Evrópu er mjög spennandi en þá þarftu að standa þig vel heima. Það sést á árangri landsliðsins að það er ýmislegt hægt þegar menn standa saman og hafa háleit markmið. Við öll sem komum að fótboltanum hér þurfum að þora að stíga þessi skref."

Það eru kaflaskil hjá FH eftir að Heimir Guðjónsson hvarf á braut frá félaginu.

„Heimir er einn af okkar hæfileikaríkustu þjálfurum. Það er heiður að feta í hans fótspor og halda þeirri vegferð áfram sem hann var kominn með FH á," segir Ólafur.

Mikið er talað um að það þurfi að gera miklar breytingar á leikmannahópi FH. Margir lykilmenn eru komnir til ára sinna og hafa ekki staðið undir væntingum.

„Það er þörf á því að fá nýtt blóð. Það þarf að skoða hvað er verið að gera í 2. og 3. flokki og byggja upp félag sem kemur ungum leikmönnum inn en er enn leiðandi í því að vilja vera með gæði í meistaraflokksliðinu."

Stór nöfn eru að renna út á samningi hjá FH. Er Ólafur farinn að skoða þau mál?

„Nöfn hafa aldrei unnið fótboltaleiki ein og sér. Ef nöfnin eru það góð að ég telji að þau geti verið styrkur fyrir FH í því sem framundan er þá eru menn velkomnir. Auðvitað er ég búinn að skoða hópinn, hvar eru holur og hvar þurfi að styrkja og hverjir verði áfram. Það er ekkert sem ég deili með þér eða þeim sem þetta sjá," segir Ólafur.

Það er ljóst að það er talsverð vinna framundan hjá honum í leikmannamálum.

„Það er spennandi. Það væri hálf glatað ef það væri engin vinna og menn gætu hallað sér til baka. Þetta er eitt af því sem er heillandi við að koma aftur. Ég hef ekkert á móti því að bretta upp ermarnar og vinna svolítið mikið."

Viðtalið má sjá í heild sinni í sjónvarpinu hér að ofan en þar ræðir Ólafur meðal annars um starf yfirmanns fótboltamála sem verið er að móta hjá KSÍ. Ólafur hefur aðstoðað Guðna Bergsson, formann KSÍ, við að móta starfið.
Athugasemdir
banner
banner
banner