Gylfi var mjög vinsæll á æfingu í morgun. Hér er hann með maltneskum blaðamanni sem fékk nokkrar myndir með Gylfa.
Maltneskir fjömiðlar stukku á Gylfa Þór Sigurðsson og fleiri íslenska landsliðsmenn um leið og þeir mættu á æfingu Ta'Qali leikvanginum í dag.
Þeir byrjuðu þó ekki á að taka viðtöl við Gylfa heldur var sett í forgang hjá fjölmiðlamönnunum að fá bolamyndir með honum og eiginhandaráritanir.
Þeir byrjuðu þó ekki á að taka viðtöl við Gylfa heldur var sett í forgang hjá fjölmiðlamönnunum að fá bolamyndir með honum og eiginhandaráritanir.
„Þetta er algjör meistari. Þetta er toppmaður," sagði Gylfi um einn blaðamanninn sem elti Gylfa á röndum og fékk nokkrar myndir með honum sem og áritanir.
Gylfi og aðrir íslenskir landsliðsmenn fá mun meiri athygli en áður eftir frábæra frammistöðu á EM í sumar.
„Við finnum það í gegnum ferðalögin og hvernig fjölmiðlar eru að mæta á æfingar og leiki hjá okkur. Það er miklu meira en það var. Það fylgir þessu góða gengi á Evrópumótinu í sumar."
Gylfi er meiddur og verður ekki með gegn Möltu á morgun í lokaleik ársins hjá landsliðinu. Um er að ræða sautjánda leikinn hjá landsliðinu á þessu magnaða ári.
„Ef þú lítur á hvar við vorum fyrir 4-5 árum og hvar við erum nuna þá hefur þetta verið frábært ár fyrir landsliðið og okkur leikmenn," sagði Gylfi.
Hér að ofan má sjá viðtalið í heild sinni en þar ræðir hann meiðslin meira.
Athugasemdir