Norska félagið Sandefjord lagði í siðustu viku fram tilboð í Hólmbert Aron Friðjónsson eftir að hann skoðaði aðstæður hjá félaginu fyrr í mánuðinum.
Stjarnan hefur svarað tilboðinu og von er á að viðræður milli félaganna haldi áfram næstu dagana. Þetta staðfesti Victor Ingi Olsen starfsmaður Stjörnunnar í samtali við Fótbolta.net.
Stjarnan hefur svarað tilboðinu og von er á að viðræður milli félaganna haldi áfram næstu dagana. Þetta staðfesti Victor Ingi Olsen starfsmaður Stjörnunnar í samtali við Fótbolta.net.
Hinn 24 ára gamli Hólmbert skoraði ellefu mörk í nítján leikjum í Pepsi-deildinni í sumar.
Hólmbert kom til Stjörnunnar frá KR í fyrra. Þá er hann fyrrum leikmaður Bröndby auk þess sem hann var í herbúðum Celtic í Skotlandi. Hann varð bikarmeistari með Fram 2013 en er uppalinn hjá HK.
Sandefjord er í 10. sæti í norsku úrvalsdeildinni þegar tvær umfeðir eru eftir.
Ingvar Jónsson, fyrrum markvörður Stjörnunnar, spilar með Sandefjord en fyrir helgi samdi Emil Pálsson, miðjumaður FH, við félagið. Emil gengur í raðir Sandefjord um áramót.
Athugasemdir