Brynjar Hlöðversson.
Brynjar Hlöðversson, miðjumaður úr Leikni R, verður þessa vikuna til reynslu hjá HB í Færeyjum en fréttamiðillinn IN greinir frá þessu í kvöld. Brynjar mætti á sína fyrstu æfingu hjá HB í kvöld.
Heimir Guðjónsson tók við HB í haust eftir að hann var rekinn frá Íslandsmeisturum FH.
Heimir Guðjónsson tók við HB í haust eftir að hann var rekinn frá Íslandsmeisturum FH.
Heimir sagðist eftir ráðninguna ætla að skoða möguleikann á að fá íslenska leikmenn til HB og Brynjar gæti nú mögulega gengið í raðir félagsins.
Brynjar hefur aðallega leikið sem varnarsinnaður miðjumaður á ferli sínum hjá Leikni en í frétt IN segi að Heimir vilji fá hann í vörnina til að fylla skarð Jóhan Troest Davidsen sem gekk í raðir til NSÍ á dögunum.
Brynjar er 28 ára gamall en hann var á síðasta tímabili fyrirliði hjá Leikni.
Samtals hefur Brynjar skorað sjö mörk í 176 deildar og bikarleikjum með Leikni á ferli sínum.
Athugasemdir
