Freyr Alexandersson, landsliðsþjálfari kvenna, tilkynnti í dag hópinn sem fer á æfingamót í Algarve í lok mánaðarins. Freyr segir mótið mikilvægt fyrir seinni sprettinn í undankeppni HM.
„Þetta er gríðarlega mikilvægt út af þróuninni á liðinu, meiðslunum og hversu margir leikmenn eru barnshafandi. Þetta mót hefur sennilega aldrei verið jafnmikilvægt," sagði Freyr á blaðamannafundi í dag.
„Við þurfum að hjálpa leikmönnunum að verða betri og ná takti í því sem við verðum að gera. Við verðum að bregðast við taktískt út frá fjarveru lykilmanna, enn og aftur. Þetta gæti ekki verið betri tímapunktur í það," segir Freyr.
Miklar breytingar hafa orðið á leikmannahópnum síðan á Algarve í fyrra en alls eru tíu breytingar síðan þá. Átta leikmenn eru að fara í fyrsta skipti með íslenska landsliðinu á Algarve mótið.
„Ég hefði engan veginn búist við þessu," sagði Freyr aðspurður að því hvort hann hefði búist við því að gera tíu breytingar á leikmannahópnum frá því í fyrra. „En svona er bransinn. Þetta er líka partur að því að þjálfa konur, ég hef oft svarað því að það sé enginn munur á því að þjálfa konur og karla, þetta er stór munur. Það verða engir karla frá vegna þess að þeir ganga með barn."
„Þetta er gríðarlega mikilvægt út af þróuninni á liðinu, meiðslunum og hversu margir leikmenn eru barnshafandi. Þetta mót hefur sennilega aldrei verið jafnmikilvægt," sagði Freyr á blaðamannafundi í dag.
„Við þurfum að hjálpa leikmönnunum að verða betri og ná takti í því sem við verðum að gera. Við verðum að bregðast við taktískt út frá fjarveru lykilmanna, enn og aftur. Þetta gæti ekki verið betri tímapunktur í það," segir Freyr.
Miklar breytingar hafa orðið á leikmannahópnum síðan á Algarve í fyrra en alls eru tíu breytingar síðan þá. Átta leikmenn eru að fara í fyrsta skipti með íslenska landsliðinu á Algarve mótið.
„Ég hefði engan veginn búist við þessu," sagði Freyr aðspurður að því hvort hann hefði búist við því að gera tíu breytingar á leikmannahópnum frá því í fyrra. „En svona er bransinn. Þetta er líka partur að því að þjálfa konur, ég hef oft svarað því að það sé enginn munur á því að þjálfa konur og karla, þetta er stór munur. Það verða engir karla frá vegna þess að þeir ganga með barn."
„Þetta er ótrúlega gaman og krefjandi fyrir þjálfarann. Ég er spenntur að takast á við þessa leiki í vor og þetta æfingamót með þessum hópi sem ég hef í höndunum núna."
Freyr segist ætla að prófa ýmislegt taktískt í þessu móti.
„Við munum halda áfram að vinna út frá þeim áherslum sem við erum með en ég mun líka prófa að skipta um kerfi í miðjum leikjum, pressa mjög aggresívt á tímabili og fara mjög dúpt í sama leiknum. Ég ætla að prófa ýmislegt taktískt í þessu móti."
„Ég mun gera níu til 11 breytingar á milli leikja, það er leikur á tveggja daga fresti sem er að mörgu leyti algjör þvæla."
„Ég nýti tækifæri og rúlla mikið á liðinu og leikmenn verða að taka því fagnandi, þeir fá risastór hlutverk að spila við topplið í heiminum, leikmenn sem hafa varla mætt á landsliðsæfingu áður."
Freyr mun ekki stýra Íslandi í síðasta leiknum á mótinu þar sem hann verður í Danmörku afla sér UEFA pro þjálfararéttinda.
„Ég er ágætur í dönskunni. Ég er búinn að lenda nokkrum sinnum í að vera ringlaður í hópsamtölu en námið er spennandi og krefjandi. Danskan getur verið skemmtileg síðla kvölds," sagði Freyr að lokum en viðtalið í heild sinni er hér að ofan.
Sjá einnig:
Landsliðshópurinn fyrir Algarve: Tíu breytingar síðan í fyrra
Vonast til að Elín Metta verði klár í apríl - Óvíst með Sísí
Athugasemdir