Rúnar Alex Rúnarsson stóð í marki Nordsjælland er liðið tapaði fyrir Midtjylland í dönsku úrvalsdeildinni í dag.
Fyrsta mark leiksins kom á 39. mínútu þegar Jakob Poulsen kom boltanum fram hjá Rúnari Alex í marki Nordsjælland. Staðan varð 2-0 fyrir Midtjylland snemma í seinni hálfleiknum þegar Bozhidar Kraev skoraði.
Fyrsta mark leiksins kom á 39. mínútu þegar Jakob Poulsen kom boltanum fram hjá Rúnari Alex í marki Nordsjælland. Staðan varð 2-0 fyrir Midtjylland snemma í seinni hálfleiknum þegar Bozhidar Kraev skoraði.
Nordsjælland minnkaði muninn nokkrum mínútum síðar er Victor Nelsson skoraði og meðbyrinn var allt í einu Nordsjælland í hag.
Títtnefndur Nelsson lét hins vegar reka sig af velli þegar 20 mínútur voru eftir og Nordsjælland náði ekki að komast lengra. Lokatölur voru 2-1 fyrir Midtjylland.
Midtjylland er á toppi deildarinnar ásamt Bröndby, bæði lið eru með 69 stig þegar sjö umferðir eru eftir. Hjörtur Hermannsson og félagar í Bröndby unnu FCK Kaupmannhöfn áðan. Hjörtur var ónotaður varamaður.
Nordsjælland er í þriðja sæti, 16 stigum á eftir toppliðunum.
Athugasemdir