Manchester City er Englandsmeistari (Staðfest)
Manchester Utd 0 - 1 West Brom
0-1 Jay Rodriguez ('73 )
0-1 Jay Rodriguez ('73 )
Flestir bjuggust við því að Manchester United myndi valta yfir botnlið West Bromwich Albion á Old Trafford í dag. En annað kom á daginn og er Manchester City þar með orðið Englandsmeistari.
West Brom kom, sá og sigraði
Um síðustu helgi kom Man Utd í veg fyrir það að nágrannarnir í City yrðu Englandsmeistarar með mögnuðum endurkomusigri á Eithad-vellinum. City hefði með sigri þar orðið meistari en ekkert varð úr því. City vann Tottenham í gær og þurfti að treysta á það að West Brom myndi ná í góð úrslit gegn United. Kampavínið var væntanlega ekki komið á ís hjá City þar sem gengi West Brom á þessu tímabili hefur verið algjörlega afleitt.
West Brom kom hins vegar á Old Trafford og spilaði frábærlega. Gestirnir voru skipulagðir og gáfu fá færi á sér.
Gestirnir nýttu svo eitt færi þegar Jay Rodriguez skoraði eftir hornspyrnu. Það var nóg til þess að tryggja sigurinn en leikmenn Manchester United gerðu afskaplega lítið sóknarlega í dag.
GOAL Man Utd 0-1 West Brom (73 mins)
— Premier League (@premierleague) April 15, 2018
Jay Rodriguez latches onto Matic's miscue under a corner to hammer home from inside the six-yard box. A HUGE goal!#MUNWBA
Pep í golfi
Pep Guardiola sagði frá því í gær, eftir sigur City að hann myndi fara í golf í stað þess að horfa á leik Man Utd og West Brom. Það hefur væntanlega einhver pikkað í hann á golfbrautinni.
Þá er það þannig, City er Englandsmeistari þegar fimm leikir eru eftir. Man Utd er áfram í öðru sæti deildarinnar, 16 stigum á eftir City og einu stigi á undan Liverpool. United á leik til góða á Liverpool.
West Brom situr sem fastast á botni deildarinnar, þrátt fyrir þennan sigur. West Brom er með 24 stig, níu stigum frá öruggu sæti en liðið á eftir að spila fjóra deildarleiki.
Þetta er fyrsti sigur West Brom í deildinni frá því um miðjan janúar. Þetta er fyrsti sigur liðsins á útivelli frá því í ágúst.
FT: #MUFC 0 West Brom 1. pic.twitter.com/kT4XslWF34
— Manchester United (@ManUtd) April 15, 2018
Athugasemdir