sun 15. apríl 2018 16:30
Guðmundur Aðalsteinn Ásgeirsson
„Himinháar líkur" á því að Zlatan spili á HM
Fer Zlatan á HM?
Fer Zlatan á HM?
Mynd: Getty Images
HM yrði enn skemmtilegra ef Zlatan Ibrahimovic ákveður að gefa kost á sér fyrir sænska landsliðið. Zlatan hefur gefið sterklega í skyn að hann muni gefa kost á sér fyrir mótið.

Zlatan gaf það út eftir EM í Frakklandi 2016 að landsliðsskórnir væru komnir upp á hillu.

Hann hefur hins vegar ýjað að því síðustu vikur að hann muni dusta rykið af þeim og spila á HM.

Hann tístaði svo í dag að líkurnar á því að hann myndi spila á HM „væru himinháar".

Hinn 36 ára gamli Zlatan gekk í raðir Los Angeles Galaxy frá Manchester United í síðasta mánuði. Zlatan hefur farið vel af stað í Bandaríkjunum og skorað þrjú mörk í fyrstu tveimur leikjum sínum.



Athugasemdir
banner
banner