Óli Stefán er reyndur varnarmaður en hann hefur undanfarin ár verið spilandi þjálfari hjá Sindra í 2. deildinni. Í fyrra spilaði hann 17 leiki með liðinu.

Óli spilaði í áraraðir með Grindavík og hann gæti farið á ný í gula búninginn sem leikmaður.

„Ég skipti mér yfir til að vera til taks," sagði Óli Stefán við Fótbolta.net í dag.

„Ég hef spriklað með og er að halda mér í standi. Það eru fjórir hafsentar í liðinu en tveir þeirra eru meiddir núna."

Óli getur verið í leikmannahópi Grindavíkur gegn Haukum í kvöld en Fótbolti.net mun vera með beina textalýsingu frá þeim leik.