Fótbolti.net

Elmar Kári: Búinn að bíða eftir þessu

Maggi: Sýnir trúna sem við erum með

Vuk: Er kannski nær markinu og með meira sjálfstraust

Jón Þór: Stóru vandamálin liggja ekki þar

Rúnar: Hefur fengið að blómstra í þessu hlutverki

Heimir: Þá fer þetta að verða eins og umræðan var árið 2022

Elmar Atli: Maður var búinn að bíða eftir þessu

Auður: Gaman að ná að vinna Þrótt sem voru taplausar í deildinni

Haddi: Gjörsamlega óþolandi hvað sumir mega öskra inn á völlinn

Óli Kristjáns: Ábyrgðin á mér og stelpunum

„Við komumst út úr þessu það er klárt mál"

Davíð Smári: Skjaldarmerki þess sem Vestri stendur fyrir

Óskar Smári: Ótrúlega stoltur af liðinu mínu í dag

Murielle Tiernan: Eina sem þú þarft að gera er að setja hann inn

Gummi Kri: Er það ekki svoleiðis sem við viljum hafa þetta?

Tufa um rauða spjaldið: Okkur á bekknum fannst hann hlaupa á Bjarna og henda sér niður

Jökull: Hefði viljað sjá okkur vera meira 'ruthless' í byrjun leiks

Alli Jói: Er svekktur með sjálfan mig

Haraldur: Kemur auka orka þegar við missum mann af velli

Gunnar Heiðar: Eins og við þyrftum að fá mark í andlitið til þess að allir kveiki á sér

mán 15. ágúst 2016 20:41

Alexander Freyr Tamimi

Oliver: Kóngurinn í markinu sagði mér að skjóta

Oliver skoraði glæsilegt mark.

Mynd: Fótbolti.net - Hafliði Breiðfjörð

Oliver Sigurjónsson, miðjumaður Breiðabliks, var að vonum ánægður eftir 2-0 sigur liðsins gegn Þrótti í Pepsi-deildinni í kvöld.

Oliver lagði upp fyrra mark Breiðabliks og skoraði það síðara beint úr aukaspyrnu.

Lestu um leikinn: Breiðablik 2 - 0 Þróttur R.

„Við vildum koma sterkari til baka eftir ömurlegan leik síðast og við sýndum það í dag að við töpum ekki alltaf fyrir þeim svokölluðu slakari liðum. Þetta var mikilvægur sigur í dag og fínasta spilamennska," sagði Oliver eftir leikinn.

„Við erum búnir að byrja vel í mörgum leikjum í sumar og það hefur oft komið lægð, en við náðum að halda í dag þó við getum bætt okkur síðustu 20 mínúturnar."

Oliver skoraði magnað aukaspyrnumark og var að vonum ánægður með það.

„Það er aldrei leiðinlegt að hitta hann svona, ég sá að Arnar Darri var svolítið miðsvæðis. Það er eiginlega ekki hægt að fá þennan bolta til að droppa, þeir fljúga bara beint upp allan tímann. Flest aukaspyrnumörk í sumar eru í markmannshornið og ég ákvað bara að setja hann þar og hann fór svolítið vel upp í sammann þessi, sem var mjög gott," segir Oliver, en hann var viss um að hann myndi skora.

„Ég vissi það allan tímann. Ég sagði við Daniel (Bamberg) að ég væri að fara að setja hann og hann leyfði mér það. Það var eins og það var," sagði Oliver, en hann reyndi síðan aðra aukaspyrnu af enn lengra færi stuttu síðar.

„Ég sagði við Daniel að nú mætti ég gera meira og skjóta þarna af 40 metrunum. Ég hugsaði bara "why not" og kóngurinn í markinu hinu megin sagði mér að skjóta. Maður hlustar þegar reynslubolti talar."

Oliver hrósaði Viktori Erni Margeirssyni eftir leikinn, en hann kom sterkur inn í byrjunarliðið í dag í fjarveru Damirs Muminovic.

„Hann er auðvitað búinn að vera mjög pirraður í sumar að hafa ekkert fengið að spila neitt og skiljanlega, ég skil hann 100% því hann er rugl góður í fótbolta. Hann er líka góður vinur með góðan talanda og mjög góður "leader". Það er frábært að fá hann inn og við erum með þrjá klikkað góða miðverði," sagði Oliver.