Heimild: BBC
Cristiano Ronaldo er áfram orðaður við endurkomu til Manchester United í slúðurpakka dagsins.
Manchester United ætlar að fá Angel Di Maria til að sannfæra Cristiano Ronaldo um að koma aftur til félagsins frá Real Madrid. (Daily Express)
Louis van Gaal, stjóri United, vill fá Mats Hummels frá Borussia Dortmund. (Daily Express)
Arsenal og Chelsea munu berjast um Paco Alcacer framherja Valencia í janúar. (Daily Mirror)
Roma er að undirbúa tveggja milljóna punda tilboð í Glen Johnson bakvörð Liverpool. (Daily Star)
James Milner mun fara frá Manchester City í janúar. City vill hins vegar fá James Ward-Prowse eða Jay Rodriguez frá Southampton. (Daily Star)
Danny Graham er á förum frá Sunderland á láni. Charlton, Middlesbrough og Wolves hafa áhuga. (Daily Mirror)
FC Bayern er að undirbúa 32 milljóna punda tilboð í Mesut Özil leikmann Arsenal. (Caughtoffside.com)
David Moyes, Tony Pulis og Ronald Koeman koma til greina sem næsti stjóri Newcastle en Alan Pardew er mjög valtur í sessi. (Daily Star)
Pardew verður rekinn ef Newcastle tapar gegn Hull á laugardag. (Sun)
Aðrar fréttir segja að Pardew fái tíma til að snúa gengi Newcastle við. (Guardian)
Fernando Torres spilaði stórt hlutverk í að sannfæra Raheem Sterling um að semja við Liverpool á sínum tíma. (Daily Mirror)
Mathieu Debuchy, hægri bakvörður Arsenal, verður frá keppni í allt að þrjá mánuði eftir að hafa meiðst á ökkla gegn Manchester City um helgina. (Sun)
Stuðningsmenn Cardiff vilja fá Tony Pulis til að taka við liðinu af Ole Gunnar Solskjær. Cardiff tapaði 4-2 gegn Norwich um helgina og situr í 15. sæti í Championship deildinni. (Wales Online)
Athugasemdir