Fjölnismenn komu sér úr fallsæti með öruggum sigri gegn Fram á Laugardalsvellinum.

Gunnar Már Guðmundsson skoraði fyrsta mark leiksins þegar hann átti fast skot fyrir utan teig sem fór örugglega í fjærhornið.

Skömmu síðar bætti Þórður Guðjónsson öðru marki leiksins við eftir laglega fyrirgjöf frá Ragnari Leóssyni og gestirnir komnir í verðskuldaða tveggja marka forystu í hálfleik.

Það var snemma í síðari hálfleik sem Þórir átti fyrirgjöf sem hafnaði í Mark Magee áður en hann fór á Ragnar sem innsiglaði sigurinn með þriðja marki gestanna.

Framarar reyndu að minnka muninn en ekkert gekk upp fyrr en of seint, þegar Haukur Lárusson var svo óheppinn að fá fyrirgjöf í sig og í eigið net.

Fjölnir hoppar úr fallsæti og skilur Framara þar eftir með 18 stig, en Fjölnismenn eru með 19 stig rétt eins og Keflvíkingar þegar þrjár umferðir eru eftir.