Það gengur mjög erfiðlega hjá Everton að næla sér í sigra í ensku úrvalsdeildinni. Í dag heimsótti Everton nýliða Brighton.

Gylfi Þór Sigurðsson var í byrjunarliði Everton og spilaði allan leikinn.

Leikurinn var jafn framan af, en það voru heimamenn í Brighton sem komust yfir á 82. mínútu þegar Anthony Knockaert skoraði. Ekki gott fyrir Everton að fá á sig mark á þessum tímapunkti, en þeir gáfust ekki upp og náðu að jafna metin þegar mjög lítið var eftir.

Bruno, fyrirliði Brighton, braut af sér í teignum eftir aukaspyrnu og vítaspyrna var dæmd. Gylfi Sigurðsson fékk ekki að taka spyrnuna, Wayne Rooney tók hana og hann skoraði.

Lokatölur 1-1, en bæði lið eru með átta stig.