„Við vitum að Atletico er gott lið sem kann að halda í forystu," sagði Valverde að leikslokum.

„Það var erfitt að brjótast í gegnum varnarmúrinn þeirra en við sýndum mikinn karakter og náðum að jafna. Við hefðum viljað sigur, en sættum okkur við gott stig."

Valverde var mjög sáttur með frammistöðu Suarez og Lionel Messi í leiknum, en þeir spiluðu báðir í undankeppni HM í Suður-Ameríku í miðri viku.

Börsungar voru með fullt hús stiga fyrir leikinn gegn Atletico en eru núna með 22 stig eftir 8 umferðir.