Íslendingar fagna marki Sverris í kvöld.
„Það er gífurlega gaman að geta endað þetta besta ár íslenskrar knattspyrnu með sigri í Möltu," sagði Sverrir Ingi Ingason miðvörður Íslands eftir 0-2 sigur á Möltu ytra í vináttulandsleik í kvöld.
Lestu um leikinn: Ísland 2 - 0 Malta
„Við vissum að þetta yrði erfiður leikur. Þeir eru erfitt lið að spila á móti og hafa ekki verið að tapa stórt að undanförnu. Þeir eru skipulagðir og með ágætis fótboltamenn. Þetta var þolinmæði en við náðum að skora tvö mörk og halda hreinu."
Sverrir skoraði seinna mark Íslands í kvöld með góðum skalla eftir sendingu Jóhanns Bergs Guðmundssonar.
„Já, ég náði að hitta hann vel þarna og alveg í skeytin. Ég var búinn að segja við Jóa um leið og hann kom inná að ég væri þarna og hann setti hann þarna og ég mætti og náði að setja hann í netið."
Sverrir Ingi átti hjólhestaspyrnu skömmu áður sem gekk ekki nógu vel.
„Strákarnir voru að gera grín að mér inni í klefa fyrir þessa hjólhestaspyrnu en ég hélt að hún hafi bara farið rétt framhjá. Nei nei, boltinn lá fyrir mig og ég ætlaði að setja hann aftur inn í teig. Þegar maður fær hugmynd er hún mjög sniðugt í momentinu."
Nánar er rætt við Sverri í sjónvarpinu að ofan.
Athugasemdir
