ÍR hefur fengið varnarmann Gylfa Örn Öfjörð til liðs við sig frá Grindavík.
Gylfi skrifaði undir tveggja ára samning við ÍR í gær.
Gylfi skrifaði undir tveggja ára samning við ÍR í gær.
„Gylfi er Suðurnesjapiltur sem kemur til okkar frá Grindavík þar sem hann var hluti af Pepsideildarhóp þeirra gulklæddu en náði þó aðeins einum leik í deildinni liðið sumar vegna meiðsla," segir á Facebook síðu ÍR.
„Við bjóðum Gylfa hjartanlega velkominn og hlökkum til að sjá hann í ÍR-treyjunni a.m.k. næstu tvö ár."
Gylfi, sem er fæddur 1994, lék áður með GG, Víði Garði, Reyni Sandgerði og Njarðvík en hann hefur skorað eitt mark í 49 leikjum á ferli sínum í meistaraflokki.
ÍR endaði í 10. sæti í Inkasso-deildinni í sumar. Í vetur hafa Andri Þór Magnússon, Alexander Kostic, Björgvin Stefán Pétursson og Teitur Pétursson gengið í raðir félagsins.
Athugasemdir