Mæta þjóðum frá Suður-Ameríku og Afríku
Ísland mun spila tvo vináttuleiki á Íslandi í maí og júní áður en farið verður á HM í Rússlandi. Heimir Hallgrímsson, landsliðsþjálfari, staðfesti þetta á fréttamannafundi í dag.
Leikmenn íslenska landsliðsins vildu spila æfingaleiki á heimavelli fyrir stóru stundina.
„Við ætlum að vera nánast eingöngu á Íslandi í undirbúningum fyrir HM," sagði Heimir á fréttamannafundi í dag.
Ísland leikur einnig tvo vináttuleiki í mars en liðið á því fjóra leiki eftir til undirbúnings fyrir HM með fullan hóp.
Heimir staðfesti í dag að búið sé að ganga frá vináttuleikjum við þjóðir frá Suður-Ameríku og Afríku til að undirbúa Ísland undir leikina gegn Argentínu og Nígeríu á HM. Ekki er þó hægt að uppljóstra nöfnin á mótherjunum strax.
Leikmenn íslenska landsliðsins vildu spila æfingaleiki á heimavelli fyrir stóru stundina.
„Við ætlum að vera nánast eingöngu á Íslandi í undirbúningum fyrir HM," sagði Heimir á fréttamannafundi í dag.
Ísland leikur einnig tvo vináttuleiki í mars en liðið á því fjóra leiki eftir til undirbúnings fyrir HM með fullan hóp.
Heimir staðfesti í dag að búið sé að ganga frá vináttuleikjum við þjóðir frá Suður-Ameríku og Afríku til að undirbúa Ísland undir leikina gegn Argentínu og Nígeríu á HM. Ekki er þó hægt að uppljóstra nöfnin á mótherjunum strax.
Fyrsti leikur Íslands á HM fer fram 16. júní en þá mætir Ísland liði Argentínu.
Næsta haust hefst síðan Þjóðadeild Evrópu þar sem Ísland mætir stórliðum. Dregið verður í riðla þar í janúar.
Athugasemdir