„Það er rétt að ég var með leikaraskap gegn Stoke. Staðan var 1-1 og ég vildi vinna leikinn. Nafnið mitt selur blöð. Um daginn snerti ég boltann með hendinni óvart og var gagnrýndur fyrir að kyssa hendina eftir það," segir Suarez.

„Fjölmiðlar búa til ýmislegt um mig því þeir vilja selja blöðin. Ég segi við fjölmiðla: Þið eigið að tala meira um fótboltann en ekki aðra hluti."

Þá segir Suarez að Sir Alex Ferguson og Manchester United stýri fjölmiðlaumfjöllun á Englandi. Hann telur að leikmenn frá Suður-Ameríku fái ekki sömu meðhöndlun í enska boltanum og Englendingar.

„Manchester United stýrir fjölmiðlunum. Þeir hafa mikinn mátt og fjölmiðlar aðstoða þá. Það er erfitt fyrir Suður-Ameríkumenn að spila í þessari deild því við fáum oft ósanngjarna umfjöllun."