Tony Chapron rekur Mario Balotelli af velli á síðasta tímabili.
Franski dómarinn Tony Chapron hefur verið settur í tímabundið bann eftir að hann sparkaði í Diego Carlos, leikmann Nantes, í leik gegn PSG í fyrradag.
Diego Carlos, varnarmaður Nantes, var að spretta til baka og hljóp, að því er virðist óvart, utan í Chapron dómara sem féll til jarðar í kjölfarið eins og sjá má í myndbandinu neðst í fréttinni.
Chapron brást ókvæða við og sparkaði í áttina að Carlos. Þegar þeir voru svo báðir komnir á fætur fékk Carlos að líta rauða spjaldið frá Chapron.
Hinn 45 ára gamli Chapron átti að dæma leik Angers og Troyes á morgun en hann mun ekki gera það. Chapron er kominn í tímabundið bann hjá dómaranefnd franska knattspyrnusambandsins.
Búið er að draga rauða spjaldið hjá Carlos til baka en í gær kallaði Waldemar Kita, forseti Nantes, eftir því að Chapron fari í hálfs árs bann.
Sjálfur hefur Chapron beðist afsökunar á hegðun sinni en óvíst er hversu mikla refsingu hann fær. Chapron ætlar að leggja flautuna á hilluna eftir tímabilið en spurning er hvort hann fái fleiri leiki í vetur.
„Ég vil biðja Diego Carlos afsökunar. Í leiknum lenti ég í samstuði við Diego Carlos. Við það fann ég mikinn sársauka vegna meiðsla sem ég hef verið að glíma við og það varð til þess að ég fór með fótinn í leikmanninn," sagði Chapron.
The referee of Nantes - PSG trying to kick Diego Carlos!!!! 😳😳 Never seen anything like this before!!! pic.twitter.com/aDZy5cXnQ3
— Julien Laurens (@LaurensJulien) January 14, 2018
THE REFEREE JUST SENT SOMEONE OFF FOR THIS IN THE NANTES VS PSG GAME LMAOO pic.twitter.com/mwHBJPXD9Z
— Owen³³ (@JesussEsque) January 14, 2018
Uff. Hvar a maður að byrja. Yrði flokkað sem violent conduct a enskunni. Hann er a sinu siðasta timabili sem domari. Gæti vel farið svo að hann hafi stimplað sig ut endanlega. Kæmi mer litið a ovart. Domarinn er sa sem þarf avallt að halda sönsum þo það geti verið erfitt!!
— Gunnar Jarl Jónsson (@gunnar_jarl) January 15, 2018
Athugasemdir
