Varnarmaðurinn þaulreyndi Grétar Sigfinnur Sigurðarson er hættur hjá Þrótti Reykjavík og mun ekki leika með liðinu á næstu leiktíð.
Frá þessu segir Grétar í samtali við mbl.is.
Frá þessu segir Grétar í samtali við mbl.is.
Grétar staðfesti það að hann væri hættur hjá Þrótti en hann væri alls ekki hættur í fótbolta. Hann vildi ekki tjá sig frekar um málið að svo stöddu samkvæmt Morgunblaðinu.
Grétar samdi við Þrótt fyrir síðasta tímabil eftir að hafa leikið lengi í efstu deild. Hann átti flott tímabil, var lykilmaður í vörn Þróttara og var valinn á varamannabekkinn í liði ársins í Inkasso-deildinni. Þróttur endaði í þriðja sæti Inkasso-deildarinnar.
Grétar Sigfinnur spilaði upp alla yngri flokka með KR og hefur leikið fjölmarga leiki þar í meistaraflokki, en hann var lánaður til Sindra árið 2000 þar sem hann hóf meistaraflokksferil sinn. Hann hefur einnig leikið með Víkingi R., Val og Stjörnunni hér á landi.
Grétar hefur verið orðaður við Fylki í slúðurpökkunum sem birtir hafa verið hér á Fótbolta.net. Fylkir samdi í gær við Helga Val Daníelsson og það væri stór yfirlýsing ef Grétar myndi líka semja í Árbænum.
Athugasemdir