Gary Rowett, Martin O’Neill og Quique Sanchez Flores höfnuðu Stoke sem situr í 18. sæti, fallsæti í ensku úrvalsdeildinni.

„Hvort sem ég var 15. kostur eða 50. skiptir mig nákvæmlega engu máli. Ég er bara hæstánægður með að vera hér og er spenntur. Ég óttaðist að fá ekki annað tækifæri í úrvalsdeildinni," segir Lambert.

„Að fá tækifærið hjá svona frábæru félagi er stórkostlegt. Ég get ekki beðið. Ég er ekki nýr í bransanum og er 100% viss um að við höfum það sem þarf til að halda okkur uppi. Það eru nokkrir mjög góðir leikmenn hérna."

Lambert var í stúkunni og horfði á Stoke tapa 3-0 fyrir Manchester United á Old Trafford í gær en hans fyrsti leikur við stjórnvölinn verður heimaleikur gegn Huddersfield á laugardag.