Daily Mail greinir frá því að Jose Mourinho og Paul Pogba héldu klukkutíma langan krísufund á skrifstofu Mourinho á æfingasvæði Manchester United í Carrington.
Pogba hefur ekki þótt spila vel undanfarið og ekki eru allir sammála um ástæður þess.
Pogba hefur ekki þótt spila vel undanfarið og ekki eru allir sammála um ástæður þess.
Heimildarmenn Daily Mail innan Man Utd telja komu Alexis Sanchez hafa haft áhrif á miðjumanninn. Aðrir telja leikkerfið og stöðu Pogba á vellinum ekki henta honum, þar sem hann þurfi að sinna of mikilli varnarvinnu.
„Ég þarf ekki að tala við ykkur um samtöl sem ég á við mína leikmenn. Þetta er okkar vandamál, ekki ykkar," sagði Mourinho þegar hann var spurður út í fundinn.
Mourinho segir að Pogba verði í byrjunarliðinu þegar Rauðu djöflarnir heimsækja Huddersfield í bikarnum á laugardaginn.
Athugasemdir
