„Það var ákveðið á stjórnarfundi í gær að það verði sama landsliðsnefnd áfram. Það var ósk okkar í þjálfarateyminu. Okkur er ljúft og skylt að hrósa þessari nefnd eins og hún er núna. Gott hjá stjórn KSÍ að samþykkja þessa ósk okkar," sagði Heimir.

Landsliðsnefnd þessi hefur fengið gagnrýni á sig. Kolbeinn Tumi Daðason, fréttastjóri á Vísi, tók saman útekt á sínum tíma þar sem hann sagði meðal annars að að leikmenn íslenska landsliðsins skilji ekki tilgang nefndarinnar.

Samkvæmt lögum KSÍ hefur landsliðsnefnd umsjón með þátttöku landsliðsins í alþjóðakeppni, skipuleggur undirbúning þeirra og annast samskipti við starfsmenn liðanna.

Meðlimir landsliðsnefndarinnar fylgja meðal annars landsliðinu í verkefni erlendis og mun hún fara til Rússlands.

Landsliðsnefnd karla:
Rúnar Vífill Arnarson,
Jóhannes Ólafsson,
Magnús Gylfason,
Ríkharður Daðason