,,Við vorum góðir í fyrri hálfleik og létum boltann ganga vel innan liðsins. Við vorum að skapa okkur færi og svo lentum við í smá mótlæti í byrjun seinni hálfleiks. En við unnum okkur út úr því og komum okkur aftur inn í leikinn og unnum þetta sanngjarnt gegn mjög sterku Stjörnuliði sem okkur hefur ekki gengið vel hér á gervigrasinu."

Róbert Örn Óskarsson markvörður FH fór af velli í byrjun seinni hálfleiks vegna meiðsla. Heimir á ekki von á að meiðslin séu alvarleg.

,,Sjúkraþjálfarinn kíkir á þetta og svo metum við það. En gamli, Stjáni Finnboga, kom inná og stóð sig mjög vel," sagði Heimir en endist Stjáni mun lengur en hann? ,,Skrokkurinn á honum er í fínu lagi en hann er ekkert sérstakur á mér."

FH leitar að varnarmanni og hefur gert í allan vetur. Nú styttist í mót og hver er staðan á því?

,,Það er vonandi að það geti gerst fljótlega en við viljum flýta okkur hægt. Við vorum ánægðir með leik liðsins í kvöld og þurfum bara að halda áfram."

Kassim Doumbia, miðvörður frá Malí sem hefur leikið í Belgíu undanfarin ár var í skoðun hjá FH á dögunum og spilaði æfingaleik gegn Selfossi. Heimir vill fá hann í liðið.

,,Hann stóð sig vel og við erum að reyna að semja við hann. En það er eins og í þessum bransa, það er aldrei neitt öruggt fyrr en búið er að klára öll mál og það er ekki búið ennþá."