Marcelo Bielsa er lengi að ákveða sig.
Marcelo Bielsa er ennþá fyrsti kosturinn í þjálfarastöðu franska úrvalsdeildarliðsins Marseille, jafnvel þó hann sé kominn fram yfir lokafrestinn sem hann fékk til að samþykkja að taka að sér starfið.
Þessum fyrrum þjálfara Athletic Bilbao var boðinn tveggja ára samningur, en forseti félagsins viðurkennir að enn hafi ekkert heyrst í honum.
,,Bielsa er mjög nákvæmur og mjög smámunasamur," sagði forsetinn Vincent Labrune við Le Parisien.
,,Ég ætla ekki að ræða kröfur hans, en það eru ýmis atriði þarna sem flestir dauðlegur menn hugsa ekki um."
,,Lokafresturinn 15. apríl, sem ég minntist á fyrir meira en mánuði, rann upp þegar ég hafði enn ekki heyrt í Marcelo Bielsa. Við verðum að aðlagast breyttum aðstæðum."
Athugasemdir
